kenjisun's Xanga

Monday, August 07, 2006

Mon, 07 Aug 2006 14:46:41 GMT

8月7日

真係好得意，今日同姑姐姑丈們食食，傾緊偈既時候講講下講起 xanga 來，佢地話係網上面打下 xanga 寫一下自己遇到既物同事，會好過係 msn 同 d 唔識既人對話，而且亦來得健康。或者長輩們仍然只係記得一 d 係公仔箱入面見過細路仔比人呃既片段，而佢地都無過其實今日係佢地眼中既我都已經係一個能獨當一面既成年人來架啦。當然，我自己都覺得係 xanga 打出自己既心情想法係一個唔錯既表達方法，因為你宜家唔係只限於對一個人既表達，而係個個都明白你想講既野，任何一個人都可以睇到。所以有 d 唔想當住面同人講既野，你可以打係度，等佢自己去睇去發掘。姑姐亦都問左兩個問題：點解都回唔到我既 xanga 既？成日係你 xanga 個個女仔係你女朋友來架？佢唔係 xanga 既會員回唔到唔奇怪，但係問題係，佢地係咪真係有睇我既 xanga 呢？又有無睇得明白呢？其實我一直都有呢個疑問，點解佢地唔搵我傾下既呢？而今日我見到佢地問左呢個問題，亦都得到左個答案。其實佢地既留意亦都係有限架。我係度打咁多野，叫佢地來睇我既 xanga ，都係想佢地知呢樣野。我有諗過不如直接講，不過諗到佢地既反應就即刻唔使諗。鳳姑姐一定係話你唔係玩到無野好玩呀下？三姑姐會同我講唔應該咁架咁樣會落地獄架。拉姑姐就應該唔識得點樣回應我。諗到佢地既反應就好希望佢地真係可以好好咁睇我呢個 xanga 一次，去睇下有咩係佢地應該要知既。

Friday, July 28, 2006

Fri, 28 Jul 2006 17:47:11 GMT

7月28日

我發覺左我原來係有種習慣架，我好鍾意同拍住拖既朋友一齊，我好鍾意個種感覺。我講緊既並唔係三人行因為我唔鍾意同人地分我既另一半，我講緊既係以一個好親密好好既朋友去感受佢地一齊時滿瀉既愛情同快樂。我覺得如果可以一直咁生活係朋友既愛之中，相信會比起活係自己既戀愛中更溫馨更快樂。或者自己未曾試過真係好好戀愛，所以不曾明白。而且我亦都好鍾意做呢個角色，朋友或者會覺得我又係度做電燈泡，少左二人世界既浪漫感覺，但係請你地比我繼續落去啦，比我去做守護你地戀愛既人，直至到我亦都有另一半既時候，我都希望你地會守護返我同我分享。

點解咁都會見唔到架，咁係咪者係話我地既緣到呢度已經終結呀？

Wednesday, July 26, 2006

Wed, 26 Jul 2006 15:16:51 GMT

7月26日

如果每日都諗住同一個人，每日都會掛住佢，有事既時候又會諗起佢，咁樣係咪就叫做鍾意呀？
我諗真係好掛住好掛住你呀，你知唔知呀？我地無見有成兩個星期多啦，你知唔知我有幾掛住你呀？呢兩個幾星期入面，都無收過你既電話或者短訊，亦都唔見你會閒時來搵我，打去你既手機又只係得到一段冷冰冰既電話錄音，我以為你真係會係我開既呢架巴士上面已經濟到人潮之中落左車，當我諗到呢到我就突然孤獨起來啦。
我今日，真係想好好講下我對你既感覺係點架啦，因為我已經搞唔清楚自己既感覺啦。由我同你開始熟絡起來既時候，你就已經比我知道，你會係一個幾多心既人，就算追緊呢個，你都唔會放棄另一個，我個陣時仲覺得無咩野丫，都係想搵個岩既者。再之後，係愈講愈多係既事比我知，你同其他人既感情事，一直打打鬧鬧咁去飲酒去玩，我覺得真係非常開心。直至個一晚大家既剖白，當你同我講個一番既說話之後，其實我有諗過我係咪對你已經產生感覺呢？係你心入面我既比重會唔會比人多呢？除左我同我知道既之外，又仲會唔會有更多既位置係我唔知既呢？我對你既認知又會唔會太少呢？所以個一晚就作出左個咁既決定。返到去訓覺個陣，你同我講我竟然咁夠膽唔驚就訓係你隔離，我都唔知點解，但係就覺得訓你隔離就有一種安全既感覺。過左無幾耐，你打比我話你同人開始拍緊拖啦，我真係唔知比咩反應，從而做『真係架，咁咪好囉』既反應，我諗過，原來你對我既一點點感覺都係只有過一點點，份量係唔足夠讓你再比多一點感動我架。而係我內心入面既感動就只可以繼續留係度，無作用咁留低係度。係同一個星期入面，大家都係老地方到碰面，可惜宜家同你形影不離既已經係第二個啦。你同我講呢種事，係要分散投資架，如果我肯同你一齊你就即刻唔要佢。我唔知前一句係講咩，但係我就好希望後面既一句係真既，然而卻是戲言。
尋日終於都比我係網上面見到你，同你再講多一次電話，我咩都唔想講，但係亦聽唔入耳，我要既就只係聽到你既聲音，好滿足。

Thursday, June 29, 2006

Thu, 29 Jun 2006 14:57:36 GMT

6月29日

好耐無打日記lu......我睇返之前個d 日記同xanga原來唔經唔覺又一年啦即係話姨媽已經走左一年啦講真......我真係好掛住姨媽呀希望佢可以係另一個世界過得好d 啦而係呢一年我更加識多左好多人紫華啦阿謙啦有左佢地我覺得我既生活好多左好多顏色咁樣同阿car 愈來愈好感情好似兩兄弟咁阿龍阿陞 cc susie 阿君都係我心入面佔左一個好好好重要既地位亦都係得佢地最明白我了解我位度我真係要以上咁多位講我愛你呀~

4¤ë28¤é

Fri, 28 Apr 2006 14:51:21 GMT

完美的的天？

原本今日我覺得過得好開心架，因為我覺得阿滔好似係度陪左我成日咁，我地又一齊行百佳，一齊食野播，總之就玩得勁開心啦。不過，佢既一百八十度既轉變真係令我吃不消呀，突然間對我咁好，孜話叫我同佢一齊去海洋公園，又話同佢返大陸玩，而且仲要同佢屋企人添。阿卡就同我講話咁都無野架，係我自己諗多左既者，咁或者真係我諗多左掛。返到屋企見到先飯送就已經唔想食架啦，跟住媽媽又同我講返工既問題，又話點點點點點，我真係想答佢一句︰咁得啦，由聽日開始我就唔返工架啦，等你養。出街就問你要錢，日日就係屋企等運到。

4¤ë26¤é

Wed, 26 Apr 2006 17:06:18 GMT

今日比平時早左少少起身，但係就唔知點解，就係唔想返工。本應諗住沖完個涼會比較好點，個人會醒點，點知擺工既念頭就更加強烈，心中經過幾分鐘既掙札，終於我都係輸左比魔鬼﹝又係度推三推四賴呢樣賴個樣﹞打返公司請假唔返。其實，我係屋企跟本就無咩做架，只係一個唔想返既念頭就唔返，我開始覺得自己無聊之餘，仲覺得自己有少少變質。自從媽媽同我講過一番偉論之後，我個人好似就比以前更放鬆，真係完全無一個返工既心係度，即使個人係公司，都係心不在弦雲遊太虛。再諗下，就唔係放鬆咁簡單啦，而下放棄，將自己成個人都放棄，所以索性採取做又三十六唔做又三十六既思想來返工。真係愈諗就愈過份，再諗諗下，唔返工既今日已經係少左收入，而且仲要出去玩，唉…蝕麻。連阿卡都開始收心養性讀書考試啦，而我就反而係度不知所謂成日唔返工周圍玩。不過，阿卡始終都有阿哥照顧佢，又有咩所謂丫…﹝又係度賴啦﹞幾時先有個人肯幫下我計劃下又或者督促下我呀，呢個人幾時先會出現呀…？

唱 k個時影既~

4¤ë24¤é

Mon, 24 Apr 2006 17:01:01 GMT

返工返得愈來愈唔開心啦，都唔知點解，公司好似愈來愈唔理員工感受咁，永遠就只係係同事要離開既時候，先識得問人地係咪做得唔開心？係咪人工唔夠？定係其他原因？我明白，係公司既立場呢d 既問題係重要既，但係點解就只有同事去意已決既時候先至出現呢？點解事情亦會係一而再，再而三既呢？點解公司即使問過明白之後仍然唔作改善去挽留一班好同事呢？我唔明白，點解一間有衝勁既員工既公司，可以有一個咁不知所謂既老闆？到宜家都唔明白點解上個月既今日會返來一間咁既公司。

4¤ë21¤é

Fri, 21 Apr 2006 16:41:30 GMT

退役了

由我入行做數碼既時候，我就已經好渴望有部相機架啦，好想好似雜誌入面既攝影師咁，去到邊影到邊。將自己鍾意既野都影落來。到左我媽係一次公司飯局入面抽仲一部 DIMAGE X20 之後，我就改變左本身用相機既原意，不停地同自己同朋友影相SNAPSHOT。時到今日每人既手提電話都可以係SNAPSHOT 既工具，只要你有好既構圖同手法，影好相絕對唔需要靚相機既。相機電話宜家最多人用緊既係200萬像素，同我X20 差唔多，我就將我既要求提高少少去到300萬像素，就係我既新玩具 BELLWAVE A108 啦。以後都會由我既手機代替麻我既相機，辛苦左你咁耐，係時候休息下啦X20。

呢張係用手機同SUSIE影既勁靚GA~

4¤ë5¤é

Wed, 05 Apr 2006 15:46:10 GMT

好開心呀…今日阿卡同唔通來探我呀，勁開心呀。因為我已經好耐無見過阿卡啦，都無機會好好咁見下。我仲蛇左出去同佢地去左夾糖，而且仲同阿卡食雪糕添，好好味呀！真係要多謝阿卡請我食咁好味既雪糕。^^

仲有三日，就係我地既大日子啦，兄弟門，你地準備好未呀？

4¤ë1¤é

Sat, 01 Apr 2006 15:35:41 GMT

係神推鬼撞之下，我又返返來電業城呢度啦。都唔知點解…點解我會咁留戀係呢間公司呢…？本身份工唔係好地地咩…？唉…其實宜家返到來我覺得已經唔同左，我唔會再好似以前咁樣再嘻嘻哈哈就算，我今次返來係真係搵錢，而且我仲要得到我想要既野，所以我會搏，一定搏晒命咁做成績出來比人睇，我返得來我就要有野比人睇。

好期待下個星期既早場呀，但係又擔心到時唔知會點，真係一步一驚心呀！